انتخاب النواب الملوك نسيب حطيط
صدح #ميكروفون_جامع_الضيعة بصوت جهوري حول الوفاء للتضحيات والشهداء ..ومواجهة اميركا وحفظ الكرامة والعزة ...
وبعدها تم تلاوة اسماء المرشحين للانتخابات...ودعوة الناس لانتخابهم لتصحيح الاوضاع وتامين حقوق الناس ومواجهة الفساد ...ومواجهة اميركا....والعدو الصهيوني...#وضمان_دخول_الجنة(اذا ابرزت قائمة الانتخابات ستدخل الجنة بدون حساب..-حديث غير مسند-.)
بعد انتهاء البيان ..سال الحاج ابوعلي وهو الذي تجاوز #السبعين عاما ...وهو ينطر لوجوه الجالسين حوله ... هولي اللي انتخبناهن من #٣٠_سنة ....انا والمرحوم الحاج ابومحمد والمرحوم الحاج ابوحسين وانت ياحاج ابوحسن ..(لما كنا شباب وقابضينها عن جد)...
اوعك يكون الله يرحمو المؤذن الحاج علي ناسي الورقة بخزانة الجامع ..وذاعوها هلق...معقولة...
#صلي_عالنبي_ياحاج....الترشيحات بعدا طازة....والدليل انو #عبد_اللطيف مش موجود فيها....ومصطفى سعد...وانور الخليل...ونواف الموسوي...
#مش_مهم_الاسماء ....المهم مين بدهن يحاسبوا عاللي صار فينا...؟
بدهن يكافحو الفساد....شايفلك انا وانت كنا اللي حاكمين....معالي الوزير الحاج ابوعلي....وسعادة النائب ابوحسين....
بقول المتل ..#لا_بدك_تغيرناسك ..
#ولا_بدك_تغير_كراسك...وبلا منكفي...
انا رأيي #بلا_مانروح_ننتخب...
ناجحين ..ناجحين نفس الشي
#لا_رح_يرخص_الطحين...
#ولا_رح_ترجع_المصاري...
#ولا_رح_تبقى_جامعة ..
#ولا_رح_يرخص_بنزين.....
#لا_ماي..#لا_كهربا...
اوم نزبط #هالفدان لنفلح بكرا....الله ليرزقنا شوية #قمح....وبلا ما ننطر #الاعاشة....قبل الانتخابات ...ومصادفة برمضان هالسنة...#عصفورين_بكرتونة_وحدة..
،#صوتك_بالصندوقة
..#وثواب_من_ربك.....(بس المشكلة انو الله سبحانو بيعرف)...
يللا قومو ياختايرة....اغربت الدنيا...اخ ..#هالوجع_الظهر_السايب هلكني...اد ماحملت عليه....
#لفت_انتباه....لست مرشحا...